WILLEMSTAD – E siman ku a pasa dos pashènt a muri den CMC a konsekuensia di covid-19, hibando e kantidat di morto komo konsekuensia di corona desde komienso di e pandemia na un total di 285. Tin sinku pashènt ainda ku e enfermedat den hòspital.

Siman pasá a konstatá 34 pashènt nobo, kontra 82 e siman anterior. Por mira e bahada di e kantidat di infekshon tambe den e kantidat di tèst. Esei a baha den un siman di tempu di mas ku djesocho porshento pa djes porshento.

Na e momentu aki tin 62 persona den isolashon, pasobra nan tin un kontagio aktivo. Esei ta mas ku mitar ménos ku siman pasá ora ku ainda tabatin 116 persona den isolashon.

Aruba

Na Aruba a tèst siman pasá 166 persona positivo. Mas ku trinta kaso ménos ku e siman anterior.

E kantidat di kasonan aktivo a baha di 121 pa 86. 192 hende por a sali for di isolashon.

Tin sinku pashènt ku un infekshon di covid-19 den hòspital, esei ta dos mas  ku e siman promé.