A atraká Denny’s na  Caracasbaaiweg

WILLEMSTAD – Apenas tres siman despues di apertura a atraká Denny’s Kòrsou na Caracabaaiweg.

Antayera mainta tempran, algu despues di 6’or, dos hòmber a drenta e restorant i bou di menasa a bai ku e kaha di sèn. No a bisa kuantu sèn tabatin den e lachi.

Esei a sosodé nèt despues ku e personal a habri e portanan pa kuminsá un dia nobo. Normalmente e restorant ta habrí 24/7, pero sperando riba personal nobo Denny’s ta será ainda durante oranan di madrugá.

Sun Valley

Un ora despues di e atrako riba Denny’s, atrakadónan a bai un minimarket den Sun Valley. Einan kuater hòmber armá a drenta Sun Set MiniMarkt. Nan a eksihí sèn i a bai ku e produkshon di anochi i algun kos for di den e tienda.  Imáhennan di kámara lo mester bai duna mas klaridat.