KRALENDIJK- Despues di e akontisimentu di e susesonan di último dianan, gezaghèber John Soliana a bolbe indiká algun área na Boneiru komo zona di riesgo. Esakinan ta ked ana vigur di di 13 di yúni 2025 te ku 30 di sèptèmber 2025.
Meskos ku biaha pasá esaki ta sosodé komo medida dirigí riba prevenshon. E indikashon di e zonanan di riesgo, segun gezaghèber a bisa, no tabatin sufisiente efekto ainda pa redusí poseshon i uzo di arma di kandela.
Ta mirando tambe ku e kantidat di insidente kaminda a hasi uso di arma di kandela, no a baha e aña ake. E insidentenan di wikènt pasá tabatin komo konsekuensia ku un víktima menor a perde su bida.
P’esei, segun Soliano ta indiká, ta nesesario pa tuma medida èkstra pa garantisá órden públiko i seguridat.
Área identifiká
E áreanan ku riesgo pa seguridat ta un parti di Playa, un parti di Antriol Pabou, Antriol Pariba, Nikiboko, un parti di Nort’i Saliña i un parti di Tera KòraDen e zonanan identifiká fiskal ta outorisá pa listramentu preventivo. Esaki ta nifiká ku por listra tur hende den e áreanan akí sin ku ta nesesario ku tin sospecho pa hasi esei.