KRALENDIJK – Kuerpo di polis di Boneiru a detené djaluna último dos turista riba e barku krusero Disney ku a mara pa promé biaha na Boneiru. Nan a haña notifikashon ku a haña pakinan ku supuestamente droga den e kamber di e turistanan aki.

Polis a start un investigashon ku a kondusí na detenshon di un muhé di 29 aña ku e inisialnan A.K.L. i un hòmber di 29 aña ku e inisialnan J.P.R.

Polis a bai ku e sakunan sospechoso pa mas investigashon. No ta konosí si a laga e dos turistanan bai i si nan por a kontinuá nan biahe ku e barku krusero Disney. Polis no a duna mas informashon den e kaso aki.