KRALENDIJK – Djaweps 23 di novèmber un insidente na un sitio di dibertishon na Kaya Hermandad a eskalá, loke a resultá den detenshon di un hòmber di trinta aña.

Den kareda di 1’or sentral di polis a risibí un yamada di un disturbio na un sitio di dibertishon. Na yegada polis a topa dos persona ku tabata embolbí den un pleitu. E agentenan a separá nan mésora pa por haña sa e kousa di e konflikto. Un di e esnan embolbí tabatin leshon, e agentenan a ofresé asistensia médiko, pero e persona a nenga esaki. Segun protokòl a pidi’é pa identifiká su mes, pero el a nenga di hasi esaki. I aki e hòmber a kuminsá ofendé e agentenan.

E situashon a sigui eskalá ora el a resistí pisá durante su detenshon i mester a uza pepperspray pa mantené kòntròl. Durante e transporte pa warda di polis e hòmber a bolbe demostrá komportashon agresivo, lokual a pone ku e agentenan mester a uza violensia adekuá.

Kuerpo Polisial Karibe Hulandes ta pone énfasis riba e maneho di sero toleransha kontra violensia verbal i físiko kontra agentenan, ku e derecho pa hasi denunsia den ki tipo di maltrato, maske kiko e sirkumstansianan por ta.