Notisia

A eliminá 32 lionfish na e sitio di buseo Vista Blue

KRALENDIJK – Djesseis sambuyadó a saka djasabra anochi na tur 32 lionfish for di awa na Vista Blue. Ta pèrmití pa tira e Lionfish ku harpun na Boneiru. Ta uza e ehemplarnan ku nan a tira pa konsumo. Nan ta traha prenda di e rabu di e piská.

Un biaha pa luna un grupo grandi di sambuyadó ta bini huntu pa konhuntamente ‘limpia’ e ref di Boneiru. Rònt e isla di Boneiru e lionfish aki ta un plaga. E ta kome e piskánan chikitu ku tin riba e ref. E piskánan aki ta importante pasobra ta nan ta pèrkurá ku e koral rònt di Boneiru ta keda floresé. Na luna di novèmber 2023 a tira un ehemplar di 45 centimeter.

Ta rekerí konsentrashon 

E opservadónan ta buska ku un lus unda e lionfish ta. Un asina yamá yagdó ta tira e piská. Mester hasi e proseso aki ku koutela. Un hinká di e lionfish tin reakshon hopi doloroso komo konsekuensia. Ta hinka e lionfish ku a tira den un tipo di kanasta di moda ku  despues por hiba e piská tera sin peliger.

Ta traha prenda ku e rabu di e lionfish 

No ta tur hende mag tira e lionfish. Ta obligatorio pa sigui un kurso na un di e skolnan di buseo na Boneiru, promé ku por hasi un petishon pa un harpun serka STINAPA. Por hasi petishon pa e harpun aki solamente si e persona tin un sédula bálido.

E sambuyadónan a tira djasabra anochi na tur 32 lionfish. Tabatin ehemplar grandi i chikitu. Ta limpia e piskánan kitando e sumpiñanan. Ta saka e mondongo tambe. Despues e piská ta kla pa konsumo. E rabu tambe ta haña un bida nobo. Ta uza esaki pa traha prenda ku ta bende den e diferente skolnan di buseo.

Deel dit artikel
Rocargo
Rocargo
Rocargo
Rocargo