A eliminá Ramsay Angela den semifinal di 400 meter kareda ku opstákulo

EUGENE – A eliminá Ramsey Angela den semifinal di 400 meter kareda ku opstákulo na e siudat Eugene na Merka. 

E atleta yu di Kòrsou a finalisá komo number kuater den un tempu di 49,77 loke ta desapuntante p’e. E klasifikashon no tabata sufisiente pa un lugá den final. Su tempu tampoko no tabata bini na remarke pa un lugá den final.

Ku e tim di estafeta di Hulanda Angela a logra oro riba 4 x 400 meter durante e kampeonato Europeo di atletismo di sala  2021, IAAF World Relays 2021 i plata durante weganan Olímpiko 2020.