A entregá Buki pa Pensa karibense na gezaghèber Rijna

Kralendijk – Komité Nashonal 4/5 di mei den koperashon ku ‘Stichting de Cultuur Kameleon’ a emití un edishon nobo di e Buki pa Pensa pa grupo 7 di Enseñansa Primario. Gezaghèber Edison Rijna tambe a risibí un buki for di man di Riet Sealy.

Ku e buki akí e muchanan ta haña mas komprendimentu pa loke ta trata historia lokal di Segundo Guera Mundial, pero tambe tokante kiko libertat ta nifiká. E Buki pa Pensa akí ta inkluí vídeo di entrevista ku personanan di nos islanan ku a pasa den e periodo akí.

Tambe a tuma lugá un treinen ònlain, kaminda dosentenan por a haña sosten di Yvonne Willemsen tokante kon nan por hinka e Buki pa Pensa akí den kuríkulo i kua ta e wèpsaitnan ùtil pa usa.

Tur skol básiko a risibí e Buki pa Pensa akí, i tambe SGB.

‘Summerschool’ tambe lo bai hasi uso di e bukinan aki i na un manera kreativo pone man na obra ku e tópiko akí. E periodo di limitashon di libertat, karentena i toke de keda ta hasi e konekshon entre e periodo di guera i e pandemia di Covid aktual atrobe. 

Nos ta spera ku lo hasi bon uso di e bukinan ku kuenta di den tempu di guera i ku esaki lo desafiá e muchanan pa pensa tokante nifikashon di libertat.