KRALENDIJK- Djaweps a tuma lugá na Boneiru e entrega ofisial di e yabi di e promé Stashon di Galileo Sensor (GSS). E stashon, parti di e sistema di satelít Galileo di Europa, a wòrdu entregá pa e Ministerio di Infrastruktura i Aguas (IenW) na Agensia Europeo di Proyekto Espasial (EUSPA).

Afke van Rijn (I&W) a entregá e yabi na Guerric Pont (EUSPA), despues di kua e stashon lo bira kompletamente operashonal na mei 2025.

E GSS tin un rol krusial den e sistema di satelít Galileo i ta asistí ku aplikashonnan manera navegashon i lokashon eksakto. E stashon ta inkorporá diferente server, antenn, plaka di komunikashon i un tereno kompletamente será. E konstrukshon, ku a wòrdu realisá pa kontratistanan lokal ku instalashonnan tékniko di Europa, a krea hopi trabou i i ta garantisá mas o ménos di kupo di trobou fultaim pa e 20 aña ku ta bini.

Koperashon

E proyekto a bini pa eksistensia pa medio di kooperashon entre parti lokal i internashonal, inkluyendo e Ministerio di I & W, e gobernashon di Boneiru (OLB), i negoshinan lokal. E stashon Galileo ta fortifiká e papel di Boneiru den inovashonnan teknológiko internashonal i ta kontribuí na desaroyo di e isla.