Trabou

A organisá otro ‘Speed Meet’ pa trabou den sektor turístiko

KRALENDIJK- Djabièrnè mainta a tuma lugá otro e ‘Speed Meet, Ban traha den turismo’. E aktividat a tuma lugá na Jong Bonaire i ta e di 2 aktividat ku e meta pa ofresé trabou rápido na un persona.

Diessinku kompania tabata presentá riba e dia pa ofresé na esnan ku ta buskando trabou. E hende por a presentá i sinta na mesa di un di e kompanianan ku e ta deseá pa haña un trabou serka nan. Mainta djis poko despues ku e ‘Ban Traha Den Turismo’ a kuminsá, un persona a sali hopi kontentu for di e sala na Jong Bonaire.

El a ekspresá na un konosí, ku ya el a keda kla i ta bai traha na Plaza Hotel. Pues den algun minüt ku el a presentá na Jong Bonaire, su bida a kambia di sin trabou pa un fishi. Sigur hopi interesante i e aktividat ta duna resultado. Meskos tabata e kaso dia a organisá e promé aktividat ‘Ban Traha Den Turismo’ a kuminsá.    

Deel dit artikel
Rocargo
Rocargo
Rocargo
Rocargo