Notisia

A otorgá diploma i sertifikado na detenidonan di JICN

KRALENDIJK – Kon bo ta duna un detenido mas oportunidat riba merkado laboral durante su trayekto di reintegrashon? E proyekto ‘Ban pa Kambio’ JICN, huntu ku Fundashon Forma, ta brinda partisipantenan e posibilidat pa sigui un formashon. I ku éksito! Un detenido a logra su diploma MBO1 i 14 otro a risibí  sertifikado durante un seremonia di otorgamentu di diploma.

E seremonia di otorgamentu di diploma 

Un partisipante na e kurso a slag pa e kurso MBO1 Konstrukshon, Bibienda i Mantenshon. Dieskuater otro a logra un total di 14 sertifikado. Ta trata di e sertifikadonan pa kurso di:
– Ingles

– Hulandes

– Alfabetisashon

Durante di e seremonia a otorgá diploma i sertifikado na e partisipantenan orguyoso. Esaki ta duna motivashon pa sigui riba e kaminda akí. 

E proyekto Ban pa Kambio ta brinda detenidonan mas oportunidat 

Esaki ta importante den nan trayekto di integrashon. Durante detenshon JICN ta ofresé nan oportunidat pa desaroyá nan mes. Esei ta posibel pa medio di kurso-, trayekto- di siña i traha i trabou. E kursonan ta orientá riba bèrdè (hortikultura), konstrukshon i hóreka. Ta asina ku akí por haña mayoria trabou. Ku e proyekto JICN kier pa detenidonan tin un futuro atrobe den komunidat. Ban pa Kambio ta un trayekto di koperashon ku e instituto di formashon Fundashon Forma.  

Deel dit artikel
Rocargo
Rocargo
Rocargo
Rocargo