KRALENDIJK – Últimamente tin hopi reklamo tokante aksidente i tambe uso di alkohol den tráfiko. Segun Hefe di kuerpo di polis Alwyn Braaf pa loke ta trata e promé lunanan di aña, ya a arestá un total di 92 shofùr pa motibu ku a surpasá e kantidat di alkohòl permití pa por stür.

“Seguridat den tráfiko ta un prioridat pa kuerpo polisial. Tin kòntròl èkstra ta tumando lugá pa esaki. Ta kontrolá mas riba esnan ku ta kore, miéntras nan a bebe”, asina Braaf a splika, durante un enkuentro djarason ku e asina yamá triángulo di hustisia. Ta trata aki di gezaghèber, hefe di polis i tambe prokuradó.  

Segun e hefe di polis a konta, na momentu ku un aksidente ta tuma lugá ta kontrolando si e shofùr ta bou di influensia di alkohòl. 

Sigui kontrolá

Segun hefe di KPCN a splika, ta bai sigui tambe ku e kòntròlnan aki. “Siguridat riba kamindanan ta un prioridat pa nos kuerpo”, asina Braaf a bisa.