WILLEMSTAD – Djaluna di 14 mart, entre 09.10’or pa 11.30’or, personal di Warda di Polis Rio Canario a tene un kontrol di tráfiko riba F.D. Rooseveltweg. 

Durante di e kontrol aki polis a kontrolá 134 vehíkulo i a parti un total di 42 prosès verbal pa e diferente infrakshonnan kometé. Pa manehá un vehíkulo sin karchi di kùr bálido; sin seguro bálido; sin reibeweis bálido; sin faha di seguridat bistí; sin plachi di number dilanti i patras; sin lus patras di treiler i pa papia na telefòn.

A hiba dos vehíkulo kas bou di kondishon. E kontrolnan aki ta kontinuá.