KRALENDIJK- Aunke e dianan aki por bisa ku Boneiru a yega un rèkòrt di kasonan aktivo di Covid i tambe kantidat di kaso positivo pa día, tòg ta nota ku e kantidat di hende hospitalisá ta keda basta abou ku un kantidat di apenas 4 persona. 

Rònt mundo ta notando ku e kantidat di hende hospitalisá ta keda relativamente abou, a pesar ku sifranan kontagio ta keda kibra rèkòrt tur dia. 

Bishitante

Loke tambe por nota último dianan aki ta ku e kantidat di visitante ku ta tèst positivo ta masomenos 25% di e kantidat di kontagio nobo pa dia.