KRALENDIJK – Den siman ku a pasa, a hasi bastante trabou pa ponementu di fundeshi pa un dak nobo pa protehá pasahero k uta yega nos isla na Aeropuerto Flamingo. Entre otro a pone blòki di betòn riba kua lo monta e pilánan ku ta bai karga e dak. 

Te awor ta asina ku pasaheronan mester warda den solo kayente i tin biaha asta den yobida fuerte, na momento ku nan ta warda dilanti bali di Imigrashon na yegada, i tambe formando rei pa paga e asina yamá visitor Entry Tax.  Esaki tabata resultá den un situashon ku no semper tabata kómodo, ni profeshonal. 

E trabounan lo tuma algun siman mas, pa por keda kla. E dak nobo a keda diseñá pa arkitektonan di e ofsina Lobo i Rayman.