A posponé temporalmente debate ku mayornan tokante angua kontra corona

Kralendijk – Debí na sirkunstansianan a posponé temporalmente e debate di djabièrnè 10 di sèptèmber ku mayornan tokante e angua kontra corona pa hóben. Entidat Públiko Boneiru a tuma e desishon akí despues ku un parti importante di e partisipantenan a kanselá pasobra nan ta den karentena. Na e momentu akí tin 92 kaso di kontagio ku e vírùs di corona na Boneiru.

Ta prinsipalmente hóbennan a pega ku e vírùs. Den sierto kaso riba konseho di departamento di Salubridat Públiko e mayornan a bai den karentena. Salubridat Públiko tin un bon bista riba e gruponan di kontagio.

Asina ku situashon di e partisipantenan ta pèrmití esei atrobe, ta anunsiá un fecha nobo pa e debate. Via medionan di komunikashon i medionan sosial ta anunsiá e fecha nobo. Bo tin keho? Keda kas e ora ei i yama 0800 0800 pa un tèst grátis di corona.

---

Lesa tambe:

• 
  Enkuesta: Kompetensia inhustu pa kompanianan lokal na Boneiru?
• 
  Sobrekargo di siguridat lo hasi pasashi for di Kòrsou un tiki mas karu atrobe 
• 
  TCB ta wak bèk riba eksitoso konferensia di turismo
• 
  Aeropuerto Flamingo no ta satisfecho ku sistema nobo pa entregá maleta
• 
  A renombrá Representante di Reino interino pa Boneiru, Sint Eustatius i Saba