A rekordá morto trágiko di Ferry Bakx 5 aña pasá

Kralendijk- Awe Kuerpo Polisial di Karibe Hulandes a para ketu na e echo ku ya 5 aña pasá e agente polisial Ferry Bakx a pèrdè su bida durante un atrako ku a tuma lugá na un kas di famia na Sabadeco.

Ferry Bakx i su kolega tabata e promé polisnan ku a yega na e atrako armá ku tabata den progreso ainda. Un tiru ku un di e atrakadóna benesolano a lòs a alkansá Bakx i a heridá esaki mortalmente.

Tur esnan involví den e atrako a wòrdu arestá despues di un investigashon ku a tuma algun siman, ku asistensia di ekiponan di Hulanda. E morto di Bakx te dia di awe ta komové hopi hende, ya ku kosnan asina pisá no ta kostumario pa nos isla.