WILLEMSTAD – Tin ainda 500 lugá disponibel na e punto di salida pa e di nuebe edishon di Máratòn di KLM Kòrsou, ku lo tuma lugá fin di e luna aki riba djasabra 26 di novèmber i djadumingu 27 di november. E komienso i final lo ta na Corendon Mangrove Beach Resort.

Pa garantisá seguridat di tur partisipante i simpatisantenan riba e ruta, 2.500 persona por tuma parti.  E dos mil partisipantenan ku a inskribí kaba ta bini di Algerije, Argentinië, Aruba, België, Bonaire, Brazilië, Cambodja, Canada, Colombia, Curaçao, Duitsland, El Salvador, Frankrijk, Groot-Brittannië, Guatemala, Ierland, Italië, Nederland, Noorwegen, Oostenrijk, Panama, Puerto Rico, Sint Maarten, Slovenië, Suriname, Trinidad i Tobago, Tsjechië, Venezuela, Verenigde Staten, Zweden i Zwitserland. E partisipante mas hóben tin apenas un aña i ta bai riba lomba i esun di mas edat tin 79 aña.