Kralendijk – Lorando un bala di futbòl den direkshon di diputado Pablo James Kroon e representante di BWM a pasa e fèlt di ATC ofisial pa Entidat Públiko Boneiru. Luna pasá BWM a kuminsá ku e trabounan pa poné yerba artifisial riba e tereno di e tim di futbòl Atletico Tera Cora (ATC). 

“Esaki ta e promé i nos ta sigui ku diferente fèlt mas, “diputado James Kroon a bisa durante e enkuentro na e tereno di e tim ATC. “ E idea ta pa e deporte Rei aki, sigui haña forma den tur bario.“ Dunando asin’ei e ánimo na Federashon di Futbòl Boneriano (FFB) pa sigui invertí den e deporte. Presidente di FFB a bisa ku esaki ta un momento históriko pa Boneiru. Ku a kambia e fèlt hasié asin’aki ta parti di un plan grandi ku FFB tin ta traha algun tempu riba dje.

Na e enkuentro ku a pasa e fèlt di futbòl di ATC pa EPB tabatin representantenan presente di e organisashon nashonal di futbòl di Hulanda KNVB. Bou di nan entre otro Aron WInter ku hopi tempu tabata un futbolista profeshonal. Aworakí e ta na Boneiru komo embahador di KNVB pa pasa su konosementu pa e trainernan di ekiponan na Boneiru. Durante e simannan binidero tin kursonan speshal organisá pa FFB i KNVB.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano