Notisia

Adaptashon di tarifa 2022 kontribushon anual Kámara di Komèrsio i Industria BES

KRALENDIJK – Relashoná ku e preokupashonnan i fitbèk ku empresarionan individual i representantenan di interes kolektivo a ekspresá tokante altura di e tarifanan nobo pa e kontribushon anual, i teniendo kuenta ku e echo ku for di e momentu di stipulashon di altura di e tarifa básiko ya kaba a pasa algun tempu, Ministerio di Asuntunan Ekonómiko i Klima i e Kámaranan di Komèrsio i Industria BES un biaha mas a wak e puntonan di salida i e parameternan ku tabata forma base di e stipulashon di altura di e tarifa básiko.

E kalkulashonnan a base di kua den luna di mei 2020 a stipulá e tarifa básiko di USD 80 ta for tempu di e promé ola di e pandemia di COVID-19, na momentu ku ainda no tabata evidente kiko e medidanan di sosten lo a bai bira i kiko nan impakto lo tabata. E tempu ey tur hende tabata asumí un kresementu anual promedio mas abou di e kantidat di registrashon i  un subida di e kantidat di empresa disolvé i bankarota komo konsekuensia di e pandemia di COVID-19 kompará ku e añanan anterior. For di un análisis profundo ku Kámara di Komèrsio Boneira a hasi a resultá ku e sirkunstansianan a kambia di tal manera kompará ku e situashon den luna di mei 2020, ku un adaptashon di e tarifa básiko ta hustifiká. A base di un balotashon aktual, awor ta redusí e tarifa básiko ku forsa retroaktivo te 1 di yanüari 2022 di USD 80 pa USD 60.

A base di esaki ta adaptá e tarifanan pa e kontribushon anual pa 2022 komo lo siguiente:

Durante aña lo monitoriá kon e kambio proponé ta resultá pa tantu e empresarionan komo pa e Kámaranan di Komèrsio. Den kaso ku tin motibu pa esaki, un biaha mas toma di desishon lo tuma lugá tokante altura di e tarifa básiko pa e añanan despues.
 
Relashoná ku e fitbèk ku nos a risibí tokante e diferensia, ku hopi biaha a keda menshoná, ku Hulanda Oropeo kaminda e kontribushon anual pa ta registrá den registro komersial a keda anulá entrante 2013, ta konta ku e tempu ei a hasi e anulashon akí komo kompensashon di medidanan di impuesto, di manera ku e empresario a bai paga mas tantu impuesto. Debí na esaki e empresario na Hulanda Oropeo konsekuentemente a keda paga pa ta registrá den registro komersial. E karakter independiente di e Kámaranan di Komèrsio ta di importansia pa por ehekutá nan tareanan spesífiko adekuadamente. Pa e motibu akí ta mantené e kontribushon anual den legislashon pa e Kámaranan di Komèrsio na Hulanda Karibense.

Organisashonnan ku ya kaba a paga e kontribushon anual na e Kámaranan di Komèrsio òf ku durante aña 2022 a hasi un registrashon nobo, lo risibí restitushon di e suma ku nan a paga di mas. Pa esaki e Kámaranan di Komèrsio lo aserká nan aktivamente. Pa mas tardá den luna di mei lo manda e fakturanan pa e kontribushon anual pa aña 2022.

Kámara di Komèrsio Boneiru ta lamentá ku empresarionan na Boneiru a eksperensiá inkonbeniensia pa motibu di e kambio di lei ku a keda implementá entrante 1 di yanüari 2022 i e tarifanan nobo ku a surgi for di esaki, i ta ofresé su sinsero diskulpa pa esaki.

Kámara di Komèrsio Boneiru a hasi hopi esfuerso pa realisá e adaptashon di tarifa akí i lo sigui hasi esfuerso pa empresarionan di Boneiru. Naturalmente Kámara di Komèrsio Boneiru ta disponibel pa fitbèk di empresarionan.

Deel dit artikel
Rocargo
Rocargo
Rocargo
Rocargo