Notisia

Aeropuerto di Aruba ta bai eksplotá General Aviation Terminal

ORANJESTAD – Entrante 1 di yanüari Aruba Airport Authority ta manehá i eksplotá e edifisio di aviashon general na Aeropuerto Internashonal Reina Beatrix na Aruba.

Entrante e aña nobo e terminal lo haña e nòmber nobo JET-TNCA. Jet ta e eskoho lógiko pa indiká ku lo atendé atrobe avionnan privá òf djèt na e terminal i TNCA ta e kódigo di ICAO pa e aeropuerto di Aruba.

JET-TNCA ta ofresé un parada entre Amerika del Norte i Amerika Latino. Klientenan lo por hasi uzo di e salon pa biaheronan i e espasio pa refreská di JET-TNCA.

Ademas e servisisonan di supervishon i di kordinashon ta ofresé posibilidat pa kue gasolin, servisio di kuminda  i sosten na tera. Banda di esaki por kumpra areglonan di akomodashon i transporte i JET-TNCA ta ofresé servisionan di Outorizashon previa di Duana i Protekshon na frontera di U.S.A.

Deel dit artikel
Rocargo
Rocargo
Rocargo
Rocargo