Aeropuerto di Kòrsou ku fasilidat pa mama ku tin yu na pechu

WILLEMSTAD- Aeropuerto di Kòrsou a introdusí un fasilidat pa mamanan ku ta duna yu lechi di pechu, e asina yamá Mamava-pod. 

E Mamava-pod ta un espasio será na unda e mama por drenta pa duna yu pechu den un ambiente trankilo òf pa pòmp lechi pa duna e yu lechi di pechu na bòter. E idea a wòrdu sugerí algun tempu pasá dor di Elsa Rozendal, èks miembro di parlamentu di Kòrsou. 

Orguyoso

Norman Gómez, direktor general di Curaçao Airport Partners (CAP) ta bisa ku e ta sinti su mes orguyoso di e desaroyo. “Ta hopi importante pa krea un fasilidat pa tur mama ku tin mester di esaki, sea ku ta traha di empleado, pasehero òf bishitante”, asina Gómez a bisa.