KRALENDIJK – Aeropuerto Internashonal di Bonaire (BIA) no ta satisfecho ku e funshonamentu di e sistema nobo pa entrega maleta na e pasehro den sala di yegada.  

“Despues ku nos a pone e sistema nobo den orperashon por a konstatá algun problemanan serio durante e entrega. Entre otro, e sistema ta hasi hopi sonido i tin tambe algún problema mekaniko”, asina BIA a bisa. Segun BIA ta bisa, ku esaki e sistema nobo no ta kumpli ku e eksigensianan ku a pone na esaki. 

Despues di e ultimo mal funshonamentu, BIA a desidi pa temporalmente saka e sistema nobo for di operashon, i usa e sistema di entrega temporal ku a konstruí algu tempu atrás. 

Konsulta

Aktualmente tin kombersashon andando ku e suministradó di e sistema pa wak kon por solushoná e problema i imperfekshonnan.