KRALENDIJK- Aeropuerto Flamingo ta hasiendo su bèst pa trese un vehíkulo spesial, ku lo fasilitá embarkamentu i desembarkamentu di pasahero den ròlstul. 

Esaki Onno de Jong, direktor operashonal di aeropuerto a trese dilanti djabièrne durante presentashon di sifranan di turismo pa loke ta trata promé kuartal di 2022. 

Segun de Jong, kasi a keda kla ku kompra di e vehíkulo en kestion, pero na final no a logra kompra esaki. Tòg, según De Jong a splika, ta keda intenshon pa pronto bin ku un vehíkulo manera esaki. 

Mehorashon

Segun de Jong a splika, tras di esenario ta trahando riba varios mehorashon na aeropuerto, ku último tempu ta birando mas i mas drùk ku buelo i tambe na kantidat di pasahero. BIA a pasa momentunan hopi difísil den aña 2020 i 2021, pero ta rekuperando rápidamente. E prognóstikonan pa e sobrá di 2022 ta mustra bon, segun De Jong a splika.