Aeropuerto mes no por paga invershonnan nesesario

Kralendijk- Bonaire International Airport (BIA) mes no ta kapas pa paga tur gastu ku ta involví ku mantenshon i mehorashon di falisidat ku ta nesesario.

Esaki ta un ponensia den e rapòrt ku e departamentu di Consùltent ABDTOPConsult di gobièrno di Hulanda. E rapòrt ta nota ku mester tuma luga trabou di mantenshon grandi na e pista di aterisahe, pero tambe e plataformanan na BIA, pa por sigui usa esakinan di un manera seif. Otro invershon importante ta e instalashon di Airfield Ground Lightning.

Segun e rapòrt, medionan finansiero lo mester bin di Gobièrno di Reino, òf di algun otro aeropuerto ku ta bira partner di BIA. Sinembargo, manera e konsùltentnan ta bisa, esaki ta trese kune tambe ku esnan ku ta trese sèn lo ke tin mas di bisa den maneho di e aeropuerto.

Gobièrno di Boneiru ainda no a fiha un posishon riba e dokumento i su konsehonan.