ORANJESTAD- Aerpuerto Reina Beatrix di Aruba a adaptá su plan pa ekspandé e aeropuerto segun e plan 2030, ku a presentá algun tempu pasá. Esaki ta resultado di entre otro e pandemia di Covid-19. Aunke ku tráfiko aereo ta rekuperando satisfaktoriamente, awor a skrap entre otro e plan pa ekspandé e kantidat di ‘gate’ di e terminal.
Originalmente, invershon pa e mehorashon i ekspanshon tabata kalkulá na mas ku 250 mion dòler merikano. Segun e plan adaptá lo sigui ku e plan pa renobá i mejorá fasilidatnan eksistente. Entre otro ta bai konstruí un parti nobo pa risibí maleta na yegada. Tambe lo ekspandé e parti di check-in pa turista Merikano. E invershon adaptá ketu bai lo tin un kosto di masomenos 140 mion di dòler.
Pre-clearance
Un delegashon di Aruba aktualmente ta na Merka pa papia ku autoridatnan di imigrashon di e pais ei riba renobashon di e fasilidat di ‘pre-clearance’ pa pasahero ku ta biaha pa Merka. Esaki ta un bentaha grandi ku e aeropuerto tin riba otro aeropuertonan den region. Unabes ku e pasahero a pasa e parti di Imigrashon i duana merikano, na yegada ta traha e buelonan prosedente di Aruba komo buelonan ‘lokal’.
Sekretario di Estado Maarten van Ooijen di Salubridat, Bienestar i Deporte ta bishitá Sint Eustatius, Boneiru i Aruba di 20 te ku 25 di yüni 
Diputado ta felisitá hungadó di vòli Luiyi Morales na despedida pa Hulanda
Realisashon di mas buelo i kapasidat pa Boneiru no ta dje fásil manera lo por pensa
Ministerio di EZK ta studiando adaptashon di tarifa Kámara di Komèrsio
