KRALENDIJK – E empresa hulandes di maneho di sushi Afvalzorg a kuminsá ku trabou na lèntfel na Lagun. Riba petishon di Entidat Públiko Boneiru (EPB), e empresa a kuminsá ku trabou pa paga e kandelnan supteráneo i pa mehorá e maneho di sushi. Durante un inspekshon inishal, a haña rond di diessinku fuente di kandela potensial ku ta pone salú i medio ambiente na peliger.
Afvalzorg ta trahando un plan di akshon huntu ku Selibon, e kuerpo di brantwer, GGD i habitantenan di e zona. Promé ku ta kuminsá ku e trabounan, tin un reunion di informashon na Jong Boneiru djamars dia 24 di yüni.
Sostenibel i seif
E kontratashon di un eksperto den maneho di lèntfel mester kontribuí na un polítika di sushi mas sostenibel i seif. Segun EPB, e kolaborashon ku Afvalzorg ta parti di un strategia mas ámplio pa kumpli ku medidanan anterior i eventualmente sera e lèntfel i Morotin na un manera responsabel.