Polis i hustisia

Agente polisial na Statia kondená pa trafikashon di hende

Ofisina di polis na St. Eustatius. Pòtret: ABC Online Media/Harald Linkels

ORANJESTAD – Ayera, djamars 5 di òktober 2021, un hefe di agente polisial a keda sentensiá dor di Korte Komun di Hustisia na Sint Eustatius pa trafikashon di hende i falsifikashon di dokumento. E agente en kuestion a laga un muhé for di Repúblika Dominikana bini Sint Eustatius.

E agente konserní a regla petishon pa e señora na IND den kual e la indiká ku ta pa reuní nan dos. Despues di un investigashon a resultá ku esaki no tabata bèrdat. For di investigashon a sali na kla ku no tabatin ningun tresementu di famia huntu. E agente sospechoso tabatin komo funshon adishonal supervishon di estranhero ku e tarea spesífiko di deportashon di estranhero. E lo mester ta sa mihó e regla i prosedura di imigrashon.

Prizon

Hues a kondená e agente na un kastigu di prizòn di nuebe luna di kual tres kondishonal ku un periodo di prueba di dos aña. A tene kuenta na momento di sentensia ku e konsekuensianan pa e agente envolví.

E investigashon a wòrdu ehekutá door di Reshershi di Reino (Rijksrecherche) bou di mando di OMBES. Reshershi di Reino ta investigá echonan kastigabel dor di amtenar di gobiernu, entre otro polis. For di aña pasá, Reshershi di Reino ta permanentemente na Karibe Hulandes (Boneiru, Sint Eustatius i Saba) ku nan base na Boneiru. Riba e wèpsait: www.rijksrecherche.nl por haña un splikashon di e trabou di Rijksrecherche.

Deel dit artikel
Rocargo
Rocargo
Rocargo
Rocargo