Air Ambulance ta hiba 3 pashènt ku Covid pa Colombia

Kralendijk- Ayera 2 buelo di Air Ambulance a hiba 3 pashènt di Boneiru pa Bucaramanga na Colombia, pa tratamentu médiko mas avansá.

E buelonan pa aeropuerto Palomar di Bucaramanga a keda ehekutá den algu mas ku 1 ora di tempu.

Awor ku hospital di Kòrsou mes tin su man yen ku kuido di pashènt ku Covid-19, ya no ta opshon pa hiba e pashèntnan aki Kòrsou, ku konsekuensia ku mester transportá nan mas leu.