Notisia

Air Belgium ta ofresé buelonan for di Kòrsou pa Belgika i Martinique

May be an image of airplane
Impreshon di avionan nobo tipo Airbus A330-900 ku e kompania lo agregá pronto.

Willemstad- E kompania Air Belgium ta ofrese biaheronan e opshon pa biaha di Kòrsou pa Charleroi na Belgika, pero tambe pa e isla di Karibe Franses, Martinique.

Esaki ta bira posibel dor di e manera di bula di Air Belgium, ora ta trata di su buelonan pa Kòrsou. Ambos ora di bai, i ora di bin, e buelonan ta pasa Martinique. Esaki ta hasi posibel pa biaheronan kumpra ida i buèlta pa e isla di Martinique. Air Belgium ya ta promoshonando e pasashinan aki riba medionan soshal, pa un prèis di masomenos 400 dòler, inkluyendo impuesto.

Orario

E buelonan di Air Belgium ta sali for di Charleroi 10 or di mainta, pa yega Martinique pa 1.40 di atardi. Nan ta sali for di Martinique 3 or di atardi pa yega Kòrsou mitar di 5 di atardi. Ora di bai bèk, e buelonan ta sali Kòrsou 7 ‘or di anochi, pa yega Martinique mitar di nuebe di anochi. For di Martinique e buelo ta sali 10 or di anoche pa yega Charleroi algu despues di merdia tempu di Belgika.

Deel dit artikel
Rocargo
Rocargo
Rocargo
Rocargo