Air Belgium temporalmente ta stòp buelonan pa Kòrsou

Willemstad- E kompania belgikano, Air Belgium, ta bai stòp temporalmente ku su buelonan entra Kòrsou i Bélgika pa motibu di e situashon na islanan frances-karibense, Guadeloupe i Martinique.

Air Belgium a kuminsá ku e buelonan pa Kòrsou apenas algun siman atras. E buelonan aki ta wòrdu kombiná ku Guadeloupe. Awor ku e isla ei a prohibí buelonan turístiko, Air Belgium no tin otro opshon pa stòp buelonan pa e isla aki temporalmente. Esaki ta nifiká ku buelonan pa Kòrsou tambe ta yega nan fin pa awor.

Pa awor e plan ta mustra di reanudá e buelonan pa Kòrsou den transkurso di òktober 2021, pero lógikamente esaki lo dependé tambe di e siutashon di Covid-19 na e dos islanan franses. E ofisina di turismo di Kòrsou ainda no a reakshoná riba e notisia di e kompania belgikano.