Notisia

Airpuerto Flamingo a hasi apertura di terasa nobo 

KRALENDIJK- Djarason Gezaghèber Edison Rijna, diputado Hennyson Thielman i direktor di BIA Maarten Van der Scheer a kòrta sinta pa ofisialmente hasi apertura di e terasa nobo na e sala di embarke na Aeropuerto Internashonal di Bonaire.

 “Flamingo Airport pa hopi abitante di Bonaire ta un porta di i pa region i de mas parti di mundu. Ademas e ta pa tur  bishitante di nos isla un sitio importante unda nan estadia ta inisiá i terminá. Pa tal motibu nos ke ofresé tur pasahero un eksperensia agradabel”, asina Van der Scheer a bisa na e okashon. 

Diputado Hennyson Thielman a trese dilanti ku Kolegio Ehekutivo tin komo meta mehorá posishon kompetitivo di Bonaire. “Pa esaki ta esensial mehorashon di konekshon tantu aéreo komo marítimo di akuerdo ku deklarashon diputado señor Hennyson Thielman.” 

E terasa nobo ta parti di un seri di adaptashon i ekspanshon di e terminal realisá durante e último añanan, entre kua tambe un espasio nobo pa e kontrol di siguridat, tienda nobo i un espasio nobo kla pa uso pa e tim Airport Duty Officers. 

Mehorashon

E teras nobo no ta e úniko mehorashon a aeropuerto. “Ta bini mas mehorashon na kaminda, manera konstrukshon di un dak pa pasaheronan ku ta yega Bonaire pa evitá ku nan mester para den solo, un left riba plataforma i un karusèl mas amplio di ekipahe” Van der Scheer a konta esnan presente. 

“Nos ta agradesido na tur nos partnernan pa e bon koperashon, spesialmente Entidat Públiko Bonaire, nos suministradónan i usuarionan di aeropuerto”, e direktor di BIA a trese dilanti. 

Deel dit artikel
Rocargo
Rocargo
Rocargo
Rocargo