KRALENDIJK- Segun informashon di bosero di Polis, djamars anochi laat a surgi un aksidente serio banda di Mangazina di Rei, na entrada di Rincon. 

Den e aksidente, ku a tuma lugá masomenos 10 or di anochi, tabata tin 3 outo involví. Ambulans a hiba 3 adulto hospital pa por haña trato médiko. Di esaki situashon di un di e viktimanan ta grave. 

KPCN ainda ta hasiendo su investagashon pa determiná eksaktamente kiko a pasa.