KRALENDIJK- Djamars anochi e kapèl di Fundashon Mariadal tabata yen di hende, gosando e toká spesial di e guitaristanan Elger Verschuur i Terence de Haseth. E reunion di Bonaire Guitar Duo.
Den un programa variá a tende Elger Verschuur toka vários areglo di melodia klasiko, manera Bach’s Jesu, Joy of man’s desiring, Beethoven’s Für Elise, i Albeniz’ virtuoso Asturias. Esei tabata alterná ku duet bunita dor di Elger i Terence, ku muzik di Erik Satie, Antonio Vivaldi i e Cavatina konosí di Stanley Myers. Terence de Haseth a completá e programa ku piesanan tradishonal na manera flamenco i un areglo atraktivo di e soundtrack Lara Palmer’s theme dor di Angelo Badalamenti.
Despues di algu pa wanta stoma di Maya’s Corner Café, e públiko por a sigui gosa di muzik fantástiko durante 2 x 50 minüt den ambiente agreabel di e kapèl i palapa.
Grabashon
Bonaire TV i Fuhikubo tabata presente pa hasi grabashon. Manera ei nos ta spera nos por gosa e muzik aki na tempu largu. E konsierto tabata organisá pa e Classical Music Board Bonaire
Wardakosta ta interseptá boto ku 33 indokumentado na bordo
Selebrá dia di bestia na Animal Shelter Bonaire
Ladronnan ta kibra dos kònteiner habrí i hòrta vürwèrk 
Delegashon I&W Ta Bishitá Planta Di Awa Na Boneiru
