Kralendijk- Riba djasabra por a mira regreso di ámbos American Airlines i Delta Airlines na aeropuerto Flamingo. E buelonan di awe tabata e promé buelonan di aerolínema merikano, despues di sospenshon di buelonan den mart 2020 pa motibu di Covid-19.
Por a mira hopi kara kontentu awe na aeropuerto, ámbos di turista komo di hendenan lokal i spesialmente sektor turístiko di e isla.
E buelo di American Airlines tabata prosedente di Miami, i esun di Delta for di Atlanta. Tokante e di 3 aerolínea ku tabata sirbi Boneiru pa hopi aña promé ku e pandemia di Covid-19, United Airlines, no a skucha fecha konkreto ainda pa loke ta trata regreso di vuelonan for di Houston .
American Airlines a usa un Airbus 319 pa ehekutá nan buelo di awe, mientras ku Delta a ehekutá su buelo hasiendo uso di un Boeing 737.
Mantenshon di lei kontra kobamentu ilegal di greis ta prioridat di T&H
Gobièrnu di Boneiru porfin a subi preis máksimo pa webunan importá
Sambuyadó ta bin den problema na St. Eustatius i ta muri
Promé kurso di Kòntròl di riesgo ta tuma lugá na Boneiru
