Angua di buster importante segun dòkter Mercuur

KRALENDIJK- Segun dòkter di Salubridat Públiko, Michale Mercuur, ta importante pa hende na Boneiru buska e asina yamá angua di búster. 

“T’asina ku e bakuna ta traha ménos bon despues di algun tempu. Di e hendenan ku a pega ku e vírùs e delaster dos simannan, setenta porshento tabata ful bakuná. P’esei ta importante pa pasa e angua di buster. Esaki ta sòru ku e chèns pa bo bira gravemente malu ta hopi mas chikitu.

Di e  pashèntnan ku mester a drenta hospital  e delaster dos simannan, sesenta porshento no tabata bakuná òf no tabata kompletamente bakuná.  

Hóben

Un aspekto ku ta remarkabel ku gran parti di esnan ku ta tèst positivo pa a virus, ta relativamente yòn. “Mayoria hende ku awor akí a pega ku e vírùs, tin entre diesnuebe i trintikuater aña. Esaki ta mas o ménos mitar di e kasonan di kontagio”, asina Mercuur a splika.