Kralendijk- Djaluna ku djamars apenas 58 hende a bankuná kontra di Covid-19. E kantidat aki ta hopi tiki si wak e promedio di hende ku a wòrdu bakuná den e último dianan di siman pasá kaminda, ku tabata bandi di 200 persona pa dia.

Hopi hende ku tabata tin un fecha kaba pa bakuná riba djaluna i djamars a risibí notifikashon di Gobièrnu ku nan fecha a wòrdu kambiá ‘pa motibu di elekshon den sporthal’. Ora a kuestioná gezaghèber Edison Rijna djamars atardi durante un konferensia di prensa, ela nenga ku ta elekshon a kousa e retraso den bakunashon.

Esaki mientras ku AworBonaire/Bonaire.nu ku su propio wowo a wak karta di hende ku a menshoná ku mester a kambia fecha pa motibu di elekshon.

Berdat

Esaki ta lagando un duda atras kiko ta e berdat, ya ku un departamento di Gobièrno ta bisa un kos, i gezaghèber Rijna ta bisa otro kos.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano