App nobo di Fun Miles optenibel riba 4 di sèptèmber próksimo 

WILLEMSTAD – Usuarionan di e popular app di Fun Miles, ku a  yega di deskonektá nan app un biaha, no por bolbe instalá e app. No por solushoná e problema tékniko  ku ta okashoná esaki fásil. Pa e motibu ei Fun Miles a disidí di lansa e app kompletamente di nobo. Ta spera ku e vershon nobo lo ta disponibel atrobe den App Store i Google Play Store for di 4 di sèptèmber próksimo.

“Nos tabatin plan kaba pa lansa un app nobo na komienso di 2024 i eliminá esun bieu e ora ei”, direktor Wouter de Leeuw ta bisa, “pero pa motibu di e problemanan tékniko aki nos mester a adaptá i aselerá e proseso aki”.

“Ounke klientenan ku ta deskonektá por hasi petishon di un QR-code serka nos, di manera ku nan por uza nan karchi digital tòg”. Segun De Leeuw bo por drenta gewon si riba e sitio wèb di Fun Miles.

Fun Miles tin na Kòrsou alrededor di 68.000 usuario registrá. Na Aruba esei ta alrededor di 28.000 i na Boneiru 10.000 doño di karchi.