Notisia

Aqualectra inovativo ku karnaval 2023

WILLEMSTAD – Segun Aqualectra e ta introdusí e aña aki durante karnaval solushonnan inteligente i moderno. Ta bai usa un sistema di meter inteligente pa paga delantá pa konekshon di awa i koriente riba e ruta di karnaval.

Ta trata un sistema pre-pagá pa infrastruktura di meter inteligente avansá, ku ta sirbi komo un proyekto piloto promé ku introdusí e sistema rònt Kòrsou.

Kontrali na Pagatinu konvenshonal e sistema aki ta konektá via meternan inteligente. Ku e sistema aki por kumpra tantu awa  komo koriente.

Ademas e sistema Pre-pagá ta traha ku un pòtmòni digital ku e kliente por usa pa kumpra krédito pa por hasi uso di koriente i awa.

Via di un portal onlain e kliente por kontrolá e montante ku e tin den su pòtmòni digital, wak su uso diario, e kantidat promedio di awa i koriente ku e por usa ku e montante disponibel den su pòtmòni digital, i tur otro aktividat relashoná ku su uso. Un eksperensia kompletamente otro pa servisionan prepagá ku ta duna e kliente bentahanan nobo.

Iluminashon di kaya

Aña pasá Aqualectra a kuminsá ku e trayekto pa instalá iluminashon di kaya LED inteligente. A instalá esei kaba riba entre otro Schottegatweg, brùg Juliana i nos sentro di siudat.

Último simannan Aqualektra a instalá huntu ku Departamentu di Obranan Públiko i Ministerio di Asuntunan Ekonómiko 376 lus di kaya LED inteligente riba ruta di karnaval, tantu riba e ruta di Rooseveltweg komo riba e ruta di Banda’bou, konosí komo Kaminda Próspero “Popo” Rojer.

Deel dit artikel
Rocargo
Rocargo
Rocargo
Rocargo