Notisia

Área di Karibe i Hulanda trahando pa lucha mas efektivo kontra kambio di klima 

WILLEMSTAD – Djes pais Karibense a reakshoná positivo na Kòrsou riba e invitashon di Hulanda pa partisipá na Champions Group. Esaki ta un inisiativa Hulandes kaminda paisnan ku ta partisipá ta kompartí nan konosementu pa por reakshoná mas lihé i mihó riba e klima ku ta kambiando.

Banda di Kòrsou mes Aruba, Sint Maarten, Sint Eustatius, Boneiru i Saba, ku a bai e konferensia, tambe a mustra interes pa partisipá den e grupo. Banda di representantenan di gobièrnu tabatin tambe presente na e konferensia na Kòrsou bankonan di desaroyo regional, retnan regional i ekspertonan manera KNMI i Meteo Kòrsou.

Champions Group

Champions Group ta konsistí di pais- i islanan ku ta pará dilanti retonan klimatológiko grandi, manera inundashonnan, sekura, eskases di awa dushi òf nivel di laman ku ta subi i pesei mester invertí relativamente hopi den medidanan di adaptashon.

E grupo lo forma e komponente polítiko di International Panel on Deltas and Coastal Areas (IPDC),  ku lo funda formalmente durante e Konferensia di Awa di Nashonnan Uní na luna di mart 2023. Sentronan di investigashon i finansiero tambe por uni na e agrupashon, pa asina krea koherensia entre e aspektonan sientífiko, teknológiko, finansiero i polítiko di e problemátika aki.

Kambio di klima ta pèrkurá pa kondishonnan di tempu mas ekstremo i subida di nivel di awa. Esei ta trese tur sorto di retonan kuné. No solamente pa Hulanda Karibense i Hulanda Europeo, pero tambe pa otro islanan den e área Karibense.

“Na Hulanda nos ta formulando e plannan di adaptashon di klima. Mi ta haña ku seguridat di inundashon mester ta un prioridat tur kaminda na mundu. Pues ta esensial pa uni forsa i kompartí konosementu”, e minister Hulandes di Infrastruktura i Maneho di Awa, señor Harbers, ta bisa.

Konferensia di Awa

Te na e konferensia di awa di Nashonnan Uní na mart paisnan i islanan por uni nan mes na IPDC. 

Partisipashon ta hasi’é mas fásil pa nan pa desaroyá un strategia pa kambio di klima. Anteriormente Bangladesh, India, Colombia, Egipto i Vietnam a bisa ku nan tambe ta djòin e panel.

Na e Konferensia di Awa di Nashonnan Un lo presentá e promé rekomendashonnan pa adaptashon di klima pa diferente pais miembro. Tambe e Ofisina di planifikashon pa Medio ambiente ta bini ku un rapòrt di senarionan di klima i kon reakshoná riba esaki.

E Konferensia di Awa di Nashonnan Uní ta dirigí riba aselerá e proseso pa logra e Sustainable Development Goal di awa. Hulanda ta anfitrion di e konferensia huntu ku Tadzjiistan.

Deel dit artikel
Rocargo
Rocargo
Rocargo
Rocargo