Notisia

Artista Fred Ros a entrega miniatura di su Trippin Tuna na Museo di Boneiru

KRALENDIJK- Djaluna e artista Fred Ros a hasi entrega di su Trippin Tuna, konosí tambe komo The Tuna, na SKAL (museo Boneiru). Na e okashon akí Felix Thomas (SKAL), Timoteo Silberie (Edukashon i Bienestar) i diputado Tjin Asjoe di Kultura tabata presente. 

E obra di arte ta un miniatura di e Tuna mas grandi, ku na fin di e aña akí nan lo trese Boneiru. Ku su opheto di arte, un buní di stal di kasi 5 meter, Ros ke invitá hendenan pa opservá bida bou di laman. Tambe e ke krea un eksperensia i konsiensia nobo tokante bida den laman. E buní, ku aktualmente e artista Ron Moret ku ta hasi uso di stal ta trahando na Hulanda, despues di un ‘tour’ lo bin kas bèk, esta Boneiru. E piská lo haña un lugá bou di awa i lo pone diferente kámera na dje, di manera ku riba awa tambe hende por eksperensiá loke ta pasa bou di awa. Ros ta spera ku a base di esaki ta surgi un diálogo tokante konsientisashon i e relashon entre hende i naturalesa.    

Deel dit artikel
Rocargo
Rocargo
Rocargo
Rocargo