Notisia

Aruba ke pa aki shete aña un tersera parti di ekiponan pisá ta sin emishon

ORANJESTAD – Gobièrnu di Aruba ke pa na 2030 trinta porshento di tur ekipo pisá i semi-pisá ta sin emishon. Ministerio di Asuntunan Ekonómiko i Ministerio di Naturalesa a firma un Memorandum of Understanding, MoU, lokual ta un dokumentu kaminda dos òf mas partido ta definí nan intenshonnan komun.

Sin emishon ta nifiká ku e vehíkulonan ta kore riba koriente òf hidrógeno. E inisiativa aki ta na enkargo di gobièrnu Hulandes i CALSTART ku su Global Commercial Vehicle Drive to Zero-programma.

E meta ta pa aselerá e merkado liber di emishon, spesialmente den e industria di vehíkulonan pisa i semi-pisá. Esakinan lo ta pasonan adishonal den direkshon di práktikanan duradero na Aruba.

Ku e MoU gobièrnu ta spera ku pa 2040 Aruba por alkansá ku shen porshento di ekíponan pisá ta sin emishon na Aruba.

Deel dit artikel
Rocargo
Rocargo
Rocargo
Rocargo