DEN HAAG – Durante e Justitieel Vierpartijen Overleg JVO djaluna último, Hulanda i e islanan a kumbiní ku otro pa bai traha mas intensivo huntu ora migrantenan Venezolano ke regresá i repatriá.

E akuerdonan ta parti di un maneho di migrashon efektivo i ta fortifiká kòntròl di frontera den kuadro di obligashonnan internashonal. A konsekuensia di e kantidat grandi di migrante for di Venezuela desde 2014, mester di mas atenshon pa e aspekto di migrante den paisnan i entre otro riba tereno di regreso di migrantenan.

E meta ta pa establesé un ret di koperashon fuerte ku ta promové un proseso di regreso humano, transparante i efisiente, ku atenshon spesial pa un re-integrashon duradero i regreso boluntario.

Dos biaha pa aña e ministernan di Hustisia di Reino Hulandes ta reuní huntu tokante e prosedimentu komun di entre otro kriminalidat organisá, migrashon i protekshon di frontera.

E siguiente JVO ta tuma lugá na Aruba den luna di yanüari 2023