ORANJESTAD – Un siman despues ku Nashonnan Uni ta anunsiá ku nan ke hasi mas estudio pa investigá e konekshon ku fèri entre e islanan Karibense, gobiernu di Aruba tambe ta bini ku plannan pa un servisio di fèri.
E mester konektá Aruba i Kòrsou ku otro. Investigashon mester prueba bou di kua situashon- i kondishonnan esei ta realisabel ekonómikamente.
No ta promé biaha ku un gobièrnu ta hasi un anunsio pa konektá e dos islanan ku otro pa medio di un servisio di fèri. Te ku awor el a keda semper na palabra so.
Ton Jansen, un eksperto marítimo riba tereno di Fèrinan den Karibe, ta bai guia e investigashon. E tabata na kuna tambe di e aktual servisionan di fèri entre Sint Maarten, Saba i Sint Eustatius.
Prevení Zika, Dengue i Chikungunya |Aviso pagá
Boto nobo di duana a yega Boneiru
Alida Francis i Claudia Toet Diputado nobo na St. Eustatius
Di kuater morto den tráfiko
