Notisia

Aruba ta kuminsá aña ku kasi 100.000 turista

ORANJESTAD – Aruba a risibí den e promé lunanan kasi 100.000 turista, minister di Turismo i Salubridat ta informá.

E sifranan ta surpasá esunnan di yanüari 2019, e último aña rèkert pa turismo di Aruba. Na yanüari 2023 Aruba a registrá un rekuperashon di 105 porshento kompará ku 2019.

Mayoria biahero ta bini di Merka, ku un rekuperashon di 113 porshento. Mas ku 80.000 bishitante a bini di e kontinente di Norteamerika. Kasi 8.500 turista di Suramerika a bini fakansi na yanüari i Europa tabata bon pa 6.500 turista.

Okupashon

E preis promedio di akomodashonnan a subi ku djessinku porshento kompará ku aña pasá, ora e turista a paga 236 dòler pa anochi. E aña aki e ta 271 dòler. Kompará ku 2019 e oumento di preis ta spektakular: 43 porshento. E tempu ei e turista tabata paga un promedio di 189 dòler pa anochi.

E porsentahe di okupashon di e akomodashonnan ku ta afiliá na ATA a subi ku un promedio di shete porshento. Na yanüari aña pasá di kada djes kamber mas ku seis tabata di hür, e aña aki e sifra ta nèt bou di shete pa kada djes kamber.

E kresementu aki ta kondusí na un oumento di entrada di 42 porshento. Kompará ku yanüari 2019 e oumento ta 195 porshento.

Deel dit artikel
Rocargo
Rocargo
Rocargo
Rocargo