Atenshon for di Hulanda pa manera ku LVV ta stimulá kunukero i kriadónan di bestia

Kralendijk – Hortikultura lokal, krio di bestia i peska tin ku krese na Boneiru i tin ku bira mas profeshonal. Den esaki e sekshon di Agrikultura, Krio di Bestia i Peska (LVV) ta hunga un ròl importante komo sentro di konosementu. Resientemente diputado James Kroon huntu ku representantenan di e ministerio hulandes di Agrikultura, Naturalesa i Kalidat di Alimento (Landbouw, Natuur en Voedselkwaliteit – LNV) a hasi un bishita na e proyekto LVV. E ministerio di Agrikultura, Naturalesa i Kalidat di Alimento i Entidat Públiko Boneiru ta traha estrechamente huntu den stimulashon i desaroyo di e sektor agrario na Boneiru.

Durante nan bishita na LVV nan a haña splikashon tokante desaroyonan resien riba e manera ku ta  profeshonalisá krio di bestia. Un paso dilanti pa krio di bestia ta ku LVV resien a kumpra tres chubatu di e rasa di karné ‘dorpel’. A invertí tambe den e manera ku ta kria kabritu. LVV ta yuda doñonan di kabritu pa mehorá e rasa di nan bestianan. Ta hasi posibel pa meskla e kabritu di Boneiru ku e rasa di ‘boergaot’. Banda di ‘boergoat’ e rasa di karné ‘dorpel’ mester sòru pa mas produkshon di karni lokal.   

---

Lesa tambe:

• 
  Enkuesta: Kompetensia inhustu pa kompanianan lokal na Boneiru?
• 
  Sobrekargo di siguridat lo hasi pasashi for di Kòrsou un tiki mas karu atrobe 
• 
  TCB ta wak bèk riba eksitoso konferensia di turismo
• 
  Aeropuerto Flamingo no ta satisfecho ku sistema nobo pa entregá maleta
• 
  A renombrá Representante di Reino interino pa Boneiru, Sint Eustatius i Saba