Kralendijk- Durante di e kòntròl riba kumplimentu ku e toke di keda, djaluna a detené 3 persona, despues di un persekushon kòrtiku.

Ta trata di e hòmbernan di inisial F.A. di 23 aña, D.R.D.B. di 31 aña i J.B. di 28 aña. A detené nan en konekshon ku violashon di toke di keda, pa no duna oido na òrdu di polis i pa komportashon peligroso di manehá. A konfiská e outo.

E tim multidisiplinario lo sigui kontrolá di forma aktivo e periodo benidero. Na momentu ku no ta kumpli ku e ordenansa di emergensia lo duna un prosès ferbal.

Polis un biaha mas ta hasi un yamada na un i un tur pa tene nan mes na e reglanan di e ordenansa di emergensia.