Atrobe tin ‘kambio temporal’ den orario di botikanan na Boneiru 

KRALENDIJK – Pa e di tantísimo biaha den korte tempu, Fundashon Mariadal ta trese atrobe kambio den oranan di apertura di su botikanan. Esaki, segun Mariadal, ta otro adaptashon ‘temporal’. E biaha aki e adaptashon lo ta necesario pa bienestar di e empleadonan, i tambe e echo ku sierto di nan lo ke tuma nan fakansi den e periodo aki. 

Entrante dia 31 di yüli orarionan nobo temporal di apertura Botika FM lo ta di djaluna te ku djabièrnè di 8:30 di mainta te ku 17:30 di atardi. Riba a dianan aki botika no ta sera pa break den mèrdia.  

Riba djasabranan e botika na Playa lo habri  djasabra di 2 ‘or di atardi t ku 6 or di atardi, pero solamente pa resèptnan urgente di Post di dòkter (Huisartsenpost) i Sala di Emergensia). Djadumingu e botika lo no habri, pero e lo ta riba ‘stand-by’ pa Post di dòkter i Sala di Emergensia 

Ricon

Na Rincon e orarionan nobo temporal lo ta entrante 31 di yüli di djaluna te ku djabièrnè di 9 ‘or di mainta pa 11:30 di mainta.  

Durante e periodo aki, Botika Rincon lo sigui ofresé servisio di entrega, asina resèptnan por keda entregá na klientenan.