DADE COUNTRY, FLORIDA- Un avion di e kompania Dominikana RedAir djamars a aksidentá despues di e aterisahe na aeropuerto internashonal di Miami. 

Aunke e aterisahe a kuminsá normal i di forma kontrolá por a mira ku e wilnan di e MD-82 na dado momentu ta kolèps, momentu tambe ku e moveshon di a avion ta sali for di kòntròl. Despues di a pasa riba un area ku yerba, e avion a bin na un parada, kaminda kandela a kuminsa sali tambe di e banda derechi di e avion.

Segun informashon ainda no konfirmá ofisialmente, lo tin solamente kuater pasehero ku herida leve i tur hende lo a sali for di avion na bida. 

E avion en kestion a wòrdu trahá na aña 1990 i tabata bula antes pa American Airlines. E ta propiedat di Laser Airlines na Venezuela, ku tin mesun akshonista ku RedAir. 

JetAir

Detaye interesante ta ku resientemente e avion aksidentá a ehekutá buelo ámbos pa JetAir na Kòrsou, komo pa Surinam Airways di Sürnam.