Avioneta ta baha riba laman serka di islanan Turks & Caicos

PROVIDENCE- Un avioneta ku tabata bula e ruta di St. Kitts pa e islanan Turks & Caicos a baha riba laman di forma forsá djamars, nèt promé ku merdia. 

Pa basta tempu no tabata konosí kiko a pasa ku e okupantenan di e avion. Den oranan mas lat di atardi, sinembargo, a haña tur okupante na bida serka di e isla Salt Cay. Nan a risibí yudansa di e piskadó Kellison Talbot i otro hende den bisindario. 

Danki

Hefe di Royal Turks and Caicos Isalnds Police Force (RTCPIF), Michael Francois, a yama tur hende ku a yuda danki. Despues ku a bati alarma, entre otro wardakosta, imigrashon i duana tur a yuda den e buskeda di e avion i su okupantenan. 

Ainda ta investigando kiko a pone e avioneta baha riba awa, masomenos 17 mia promé ku a yega aeropuerto.